Folk Sicilia - Testi franco lavigna -

CCA' L'ARIA E' UMIDA Passu u tempu sempri ccà a vaddari chi si fa ccà non si fa nenti non si parra mai Ccà è sempri d'accussì ccà è propriu d'accussì non facemu nenti non parramu mai. Ccà 'aria è umida e a vigna è fragile i tempi canciunu ma ccà non canciunu i stenti aumentanu ma,i jorna s'allongunu e ciuri e ciuri pi li campagni arriva u suli non travagghiamu cchiù E ccà è sempri d'accussì ccà campamu d'accussì non facemu nenti non parramu mai. E l'aria è umida e a vigna è fragile i tempi canciunu ma ccà si fermanu nun cancia nenti semu sempri accussì.

CIAURU DI ZAGARI Suli chi ti risbigghi ogni matina chi bruci sti paisi abbannunati vistiti niri e animi chiù niri facci scantati e sempri silinziusi Ciauru di zagari ciuri di rosi mmennuli in ciuri campagni suli na picciuttedda nova giuvani e timurusa. Vecchi davanti a casi sdirrupati cugghiennu i lumii furu filici mari assunnatu e tempu i piscispadi sciroccu veni e si u me patruni. Ciauru di zagari......

Folk Sicilia Testi Franco Lavigna

I CANTI SUNNU ALLIANANTI

I canti sunnu alliananti
stasira cantu pi ddu uri
me nonnu fici u custureri
me patri inveci u ragiuneri,

Cu na canzuna campai na vita
e cu nu mbrogghiu mi fici a zita
stintai ma mi stesi ascutu
e mi ccattai u me pagghiareddu

non haiu linzola ma non m'appregu
a stati è longa o me paisi
cu è chi fici s'occhi beddi
cu ti tinciu chiù niri i capiddi


stasira cu sta luna tunna
ci u dicu a megghiu picciuttedda
amuri è na canzuna strana
t'a canti e poi t'a scoddi arreti.




CHI CAMURRIA


Chi camurria chi è sta jurnata
stu suli chi non cala e sta cicala
ciuscia na picca ventu nu mi vidi?
chi non rispiru cchiu chi staiu ccupannu

Lassimi fari chiddu chi mi pari
fammi cantari quannu vogghiu cantari
fammi ssittari supa sta sipala
lassimi mentri vaddu stu tramuntu.

Non mi risuscitari antichi amuri
mi vogghiu ddrummintari sutta stu cielu
strincimi i mani forti pi sta sira
e poi dumani fammi alluntanari

Senti comu si spanni st'aria bona
comu si vidi chi è cuntentu u cani
chiantila na simenza e poi dumani
torna,vadda comu si fici u ciuri.