stasira cantu pi ddu uri
me nonnu fici u custureri
me patri inveci u ragiuneri,
Cu na canzuna campai na vita
e cu nu mbrogghiu mi fici a zita
stintai ma mi stesi ascutu
e mi ccattai u me pagghiareddu
non haiu linzola ma non m'appregu
a stati è longa o me paisi
cu è chi fici s'occhi beddi
cu ti tinciu chiù niri i capiddi
stasira cu sta luna tunna
ci u dicu a megghiu picciuttedda
amuri è na canzuna strana
t'a canti e poi t'a scoddi arreti.
Chi camurria chi è sta jurnata
stu suli chi non cala e sta cicala
ciuscia na picca ventu nu mi vidi?
chi non rispiru cchiu chi staiu ccupannu
Lassimi fari chiddu chi mi pari
fammi cantari quannu vogghiu cantari
fammi ssittari supa sta sipala
lassimi mentri vaddu stu tramuntu.
Non mi risuscitari antichi amuri
mi vogghiu ddrummintari sutta stu cielu
strincimi i mani forti pi sta sira
e poi dumani fammi alluntanari
Senti comu si spanni st'aria bona
comu si vidi chi è cuntentu u cani
chiantila na simenza e poi dumani
torna,vadda comu si fici u ciuri.